Maysa A Minuto Laeng

​

Iti agdama, agarup amintayo ti agbibiag iti dumakdakkel a pakakumikoman  ken naturay a panagbiag. Dagiti pannubok a sangsangnguentayo iti inaldaw ti mabalin a mangpairteng iti bannog ken daras a mangibus ti enerhiatayo.   Nupay kasta, kasapulan laeng ti apagbiit a panangipokus ti panunotmo.  Kasapulan laeng ti minuto a panangbirok iti talna ti panunot.  Kasapulan laeng ti minuto a panangdengngeg iti awag ti bukodmo a puso.

 

Naragsak nga isasangbay iti Maysa-A-Minuto-Laeng, ti serye ti ehersisio ti meditasion  ken panagsirmata a mabalin a mangtulong kenka a mangisubli iti talna ti panunot, mangpaadu ti bilegmo iti kinapasnek ken mangpunno iti naespirituan a bateriam.  Ti inaldaw a panangaramid iti Maysa-A-Minuto-Laeng ket mabalin a mangtulong a mangpasangbay iti ad-adu a kinasayaat  iti tunggal aspeto ti biagmo.

 

Ti Maysa A Minuto Laeng a programa ti mangisagut iti nadumaduma a  panagamiris, meditasion ken panagparmata, iti uneg ti maysa a minuto laeng, a mabalin a maaramid iti sadinoman ken aniaman nga oras.

 

Adda pito a tema nga aramiden ken rugiam iti panagriknam ket maiyannatup kenka.

 

• Panaginana - aginanaen ti bagi ken panunot.

• Kinapasnek a panagpanunot - pangangiturong iti atension

• Panagparmata -  panangbiag manen  iti bileg ti panunotko

• Meditasion - panangpatibker iti panangammo iti bagi

• Kinaulimek - panangdalan iti talna ti kaunggan

• Panangiburay - panangaamid iti naisangsangayan

• Pannakikallaysa  - panangpabaro iti bagi

 

 

Rugiantayo  iti nalaka laeng a pananginana iti bagi ken panunot.

 

 

Panaginana Paginanaen ti bagi ken panunot

 

1. Naka-relax

 

Babaen iti Minuto Laeng…

Agtugawak a komportable ket ipalubosko ti bagik nga aginana…

Nainayad a palubosak ti aniaman a sikor…

Babaen ti panangipokus ti atensionko iti sentro ti mugingko, alaek ti kanito a mangkita iti buya ti panunotko…

Mangrugi nga uminayad ti kinapartak  ti isipko…

Agingga a naulimek ken natalna ti panunotko…

Nakainanan ti bagi ken panunotko, ammok ket maimatangak manen ti aglawlawko.

 

2. Panangpatalna iti Panunotko

 

Iti Maysa a Minuto Laeng…

Agtugawak a komportable ken sitatalna…

Awisek dagiti riknak nga agtalinaay…

Sabtek ida a kas gagayyem…

Dayawek dagiti ar=aramidenda, ket iti daytoy a gundaway, paginanaek ida…

Iti sirmatak,mairikep dagiti dana dagiti riknak..

Mangrugin nga umannayas ti panunotko… sumin-awen ti isipko…

Iti sumagmamano a gundaway, awanen ti aggargaraw…

Siwawayawaya ti isipko… igin-inana…

Agsubliakon a silalawag.

​

3. Nakalma a Panaganges

 

Iti Maysa a Minuto Laeng…

Alaek iti sumagmamano a kanito a mangiturong iti panagangesko...

Kabayatan nga umuneg ti panagangesko, ummongek amin a pakasikoran toy panunotko...

Ket iti panangiruar ti angesko, ipug-awko amin ida...

Ita nga agpauneg manen ti angesko,  riknaek dagiti natalna ken makaliwliwa a panunot iti isipko...

Ket kabayatan a rumuar ti angesko, iwarasko dagitoy iti amin a paset ti bagik...

Agin-inanan ti bagik ken toy panunotko siwawayawaya.

​

Napasnek a Panunot Panangiturong ti atension

 

1.  Panangiturong kadagiti Panpanunotko

 

Iti Maysa a Minuto Laeng...

Iti naulimek a panagtugawko, makitak ti aglawlawko...

Turongen ti atensionko ti maysa a banag iti sangok ket palubosak a punnuenna ti kaammuak…

Lipatek dagiti riribok ket kaptek laeng dayta a banag a nangpunno iti pannakaammok…

Uray no mariribokak, inayadek nga isubli ti panunotko iti dayta a banag…

Mangilasinak iti maysa a talugading dayta a banag…

Iturong ti atensionko iti daytoy…

Ket agtalinaedak iti dayta a panunot…

 

2, Nainayad a Pannangan

 

Iti Maysa a Minuto Laeng…

Napnoak iti  pannakaammo iti kankanek…

Makitak ti kabuklanna, nanamek ken nainayad a kanek…

Napno ti pannakaammok kadagiti enerhia ken bitamina a mangpatibker iti bagik…

Nanamek latta, ket nayunak iti ragsak kabayatan a kankanek…

Agyaman ti bagik kaniak gapu iti sustento a inawatna a pakaiamanan ti isip.

 

3. Positibo a Pokus

 

Iti maysa a Minuto Laeng…

Napasnek a panunotek no kasano a pagbalinek a positibo dagiti kasla negatibo…

Lipatek dagiti aniaman a negatibo a panunot…

Palag-anek dagiti dagsen ti isipko…

Riknaek ti raniag iti unegko…

Iturongko ti isipko  iti positibo…

Rarmataek ti parikut… ket piliek a kitaen daytoy a kas gundaway…

Rarmataek ti aniaman a labsing… ket kitaek ida a mangted adal…

Iturongko ti isipko iti napinpintas a panirigan ti biag…

Mangrugin nga agbalbaliw ti aldawko.

 

​

Ranagparmata Ranangbiag manen iti bileg ti panunot

 

1. Panagpangato

 

Iti maysa a Minuto Laeng...

Panunutek a limmugaanak iti tumaytayab a lobo...

Ket in-inayadennak nga ipangangato iti asul a tangatang...

Iti ikikitak iti baba, makitak ti ladawan ti biagko...kasla nagbabassit dagiti amin a problema...

Alaek daytoy a gundaway a mangrikna ti ragsak ti ulimek... kappia... ket paginanaek ti panunotko.

Bayat ti nainayad a panagbaba ti lobo, agsubsubliak iti aldawko nga addaan iti naulimek ken natalna a panunot  .

​

2. Ti Kabakiran

 

Iti Maysa A Minuto Laeng…

Panpanunotek a sumalsalugak iti dalan… nga agturong iti kabariran…

Makitak dagiti natatayag a kayo…

Dagiti pako iti daga…

Napno iti berde a kolor…

Mariknak ti talna iti aglawlawko…

Bayat ti panangkitak iti ngato, makita ti raya ti init…

A mangsilsilnag kadagiti kayo…

Sautennak ti bara ti lawag…

Ket palubosak ti bagik a bumileg

 

3. Pananglipat

 

Iti Maysa A Minuto Laeng

Panpanunotek nga addaak iti  igid ti karayan…

Buybuyaek ti ayus ti danum…

Madlawko dagiti lames kadagiti water-lilies

Ken bassit a bangka iti asideg…

Saan a naigalot ti bangka ket ngannganin maiyanud…

Dinisisionak nga ikarga amin danag, buteng ken sikorko iti bangka

Ket inayadek nga iduron nga umadayo…

Bayat ti anangbuybuyak iti bangka a maan-anud iti adayo

Mariknak ti kinalag-an …

Kinawayawaya ken inana…

​

Meditasion Panangatikber iti pannakaammo ti bagi

 

1. Kinatalged ti rikna

 

Iti Maysa A Minuto Laeng…

Kas iti pag-ong

Sumrekak iti kinatalged iti naun-uneg a lubongko

Ket agtalinaedak iti lubong a nawaya manipud iti pannakadistorbo…

Mariknak ti kinatalged, maaywananak…

Gapuen ta ammok a napudnoak iti bagik,

Mapadasko a riknaek ti pudno a kinapategko…

Agwaywayas manipud iti impluwensia ti sabali…

In-inot nga agsubliak iti aglawlawko.

 

2. Nadalus a Panunot

 

Iti Maysa A Minuto Laeng…

Iturongko ti imatangko iti kaunggak…

Naulimek a sidirek dagiti panpanunotko, tunggal panunot ket maysa nga al-lon iti rabaw ti dan-aw

Siaayat a palagipak ti bagik…

Maiyarigak iti dayta a nauneg, natalna a dan-aw…

Kabayatan a marikna ti panunotko ti kinatalna

Palubosak a digusennnak, 

Dalusanna ti panunotko…

Ket bayat ti panagsublik iti pudno a nakappia a kinataok…

Palubosak ti kappia nga agayus iti aramidko.

 

3.  Sentro ti Turong

 

Iti Maysa a Minuto Laeng

Inayadek nga iturong ti enerhiak…adayo manipud iti ruar…

Iturongko amin nga atensionko iti ngato babaen iti bagik iti tugkel iti sento ti mugingko iti ngato ken likud dagiti matak…

Agturong iti maymaysa pokus iti uneg,

Tumannawagak babaen kadagiti matak a kas da la tawa…

Maysaak a natalna a unto ti annakaammo a kumitkita  babaen iti mata iti lubong nga adda 'sadiay ruar'…

Paysaak a sitatalna a tugkel…

Naulimek ken nabileg…

​

Kinaulimek Mangdalan iti talna ti Kaunggan

​

1.  SIlaw iti Kaunggan

Iti Maysa a Minuto Laeng…

Iyinanak ti bagik ket riknaek ti silaw iti kaunggak…

Rarmataek ti tunggal pananunotek…isiglotko iti daytoy a silaw…

Alaek manipud iti pusok  ti bileg ti kappia iti kaunggan… ken ti silaw ti ayat…

Nano ti panunotko iti panagayat ken pammakawan…

Anus ken panagpabus-oy

​

2.  Being myself

 

Iti Maysa A Minuto Laeng

Rampanunutek a maysaak nga agpabpabuya - dagiti mabuya iti daytoy nga aldaw ti nalpasen…

Naiyukraden ti telon

Kitkitaek ti bagik a umumu maniud iti entablado…

Inpabuyak ti adu a paset…

A napno iti adu nga ekspektasion

Tiemponan nga agsubliak iti pudno a kinataok…

Ti naun-uneg a kinataok…

Sitatalna ken siuulimekak…

Agal-languganak iti kinaulimek, ken ti nadagup a kinatalna iti kaunggak.

​

3.  Ti Rintas ti Ulimek

 

Iti Maysa a Minuto Laeng

Sumardengak ket sidirek dagiti baet iti tunggal panunotko…

Sumrekak a siaammo iti dayta  a baet… ket mangugi lumawa…

Mariknak ti bileg nga agtaltalinaed iti baet ken iti likud dagiti panunotko…

Isu ti bileg ti kinasiasinok…

Isu ti kired iti kaunggak…

Mangrugin a makitak ti panagusing ti pintas ti biagko

​

Ranangiburay Ranangaamid iti naisangsangayan

 

1.  Kanito ti Kappia

 

Iti Maysa a Minuto Laeng…

Bayat ti panagbalin ti kappia a gayyemko…

Malasinko ti bilegna…

Iti tunggal tedted…

Rarsuaek dagiti  kanito ti kappia…

Ibukbokko dagitoy  iti lubong…

Approsak dagiti puso…

Segdak dagiti namnama…

Nakiagkaysaak iti lubong…

Mangiburburayak iti kanito ti kappia…

​

2.  Positibo nga Impluwensia

 

Iti Maysa A Minuto Laeng

Kas maysa a tudok nga insenso, iruarko ti banglo ti natalinaay a panunot ken natarnaw a rikna…

Ti sam-it ti agadiwara iti angin, agrikosrikos, agtagtagainep nga agpangato …

Sanapenna ti aglawlaw ken impluensiaanna ti rikna iti uneg…

Rarnuayenna ti ayat ken kinasayaat…

Isagutna ti pintas ti biag…

​

3. Ranangangted Silaw

 

Iti Maysa a Minuto Laeng

Kitaek ti kaunggak…

Kitkitaek ti bagik a kas maysa a balay-parola

Napigsa… nakired… natalged…

Mangipapaay ti silaw iti amin a direksion,

Manglawag iti dalan kadagiti dadduma…

Iwarasko ti silaw ti ayat… kappia… ken ragsak…

Mangpabileg kadagiti dadduma iti panagdaliasatda.

​

Rannakikallaysa Ranagpabaro iti bagi

 

1. Ranangpabaro iti Enerhia

 

Iti Maysa a Minuto Laeng…

Ragtalnaek ti panunotko…

Lagipek ti kappia ken bileg ti naun-uneg a kinataok…

Iti mata ti panunotko, makitak ti tugkel ti napnuan lawag a bimmalitok a raniag…

Makikallaysaak…

Agayus ti natarnaw nga enehia iti panunotko…

Mapabilegak manen…

Mariknak dayta a raniag, dayta a bileg ket siak…

Sibubukelak manen…

​

2.  Ruon ti Kappia

 

Iti Maysa a Minuto Laeng

Iturongko ti panunotko iti Ruon ti kappia…

Ti raya ti kappia ti gumaw-at ken arakunnennak…

Ti anunotko ket nabalkot iti kappia…

Kappia, biagenna ti pudno a kinasiasinok…

Ralaingenna… palag-anenna… ti pakabuklak…

Ti pudno sigud a  kinataok a kas kappia ti agtultuloy nga agbiag…

​

3. The Bileg ti Ayat

 

Iti Maysa a Minuto Laeng

Inayadek nga ayaban ti bileg ni ayat… babaen ti ananglukatko iti pusok Kenkuana a Maymaysa…

Riknaek ti agnanayon a annakikallaysa iti Dios…

Kenkuana a mangliwliwa amin a puso…

Riknaek ti ayat ti Dios… ti ayat a mannakaawat… maadalko nga awaten ti bagik… Maliwliwa ti pusok babaen iti awan patinggana nga ayat…

ket mangrugi a mapno iti panagayat…

Agtultuloyak a silulukat ken siaanus…

Sisasagana a mangiburay iti ayat nga awanan kondision…